पुणे : पुणे महानगरपालिका प्रभाग क्रमांक ३४ मधील नगरसेविका मंजुषा नागपुरे यांच्या प्रयत्नातून व निधीतून होणाऱ्या विविध विकासकामांचे उद्घाटन, खडकवासल्याचे आमदार भीमराव तापकीर यांच्या हस्ते झाले. प्रभागातील गरजा ओळखून, तसेच नागरिकांशी संवाद साधून, नागपुरे यांनी ठिकठिकाणच्या कामांचे नियोजन केले व त्याचे भूमीपूजन चार जानेवारी रोजी आमदार तापकीर यांच्या हस्ते करण्यात आले.
या वेळी बोलताना आमदार तापकीर म्हणाले, ‘आनंदनगर व परिसरातील विकास कामांच्या पूर्ततेसाठी सर्वतोपरी मदत करण्यात येईल.’
‘प्रभागात नव्याने समाविष्ट झालेल्या भागात वर्षानुवर्षे रखडलेली ड्रेनेजची, तसेच रस्त्याची कामे मार्गी लावण्यासाठीच हा कार्यक्रम घेण्यात आल्याचे,’ नागपुरे यांनी सांगितले. ‘रिझल्ट ओरिएंटेड कामाला आपले प्राधान्य असून, सर्व नियोजित कामे लवकरात लवकर पूर्ण करून घेण्यात येतील,’ असे त्या म्हणाल्या.
या वेळी स्थानिक नगरसेवक श्रीकांत जगताप, दादा जगताप, ज्योती गोसावी, अरुण राजवाडे, मनोहर बोधे, प्रतीक देसर्डा, जगताप काका, संदीप चव्हाण, जगताप, सतीश जुनागडे, राहुल रूपदे, समीर रुपदे, शेखर वाघ, आप्पा येवले, तसेच परिसरातील नागरिक मोठ्या संख्येने उपस्थित होते.